Të reshurat dhe balta ua vështirësojnë punën ukrainasve në Avdiivka – detyrohen në këmbë t’ia mësyjnë pozicioneve ruse

Se situata është shumë e rëndë në Avdiivka të Ukrainës e dëshmojnë shumë video të ndryshme. Atje nuk ka mbetur pothuajse asgjë pa u shkatërruar.

Trupat ruse kanë goditur edhe rrugët, e moti i ftohtë, të reshurat e mëdha dhe balta, ka bërë që asnjë mjet motorik të mos mund të lëvizë nëpër këtë terren.

Ushtarët ukrainas kanë publikuar pamje ku shihen sesi mjetet e tyre kanë ngecur në baltë dhe se shpesh thirren tanket që t’i tërheqin.

Lexo po ashtu Si po i jep Ukraina grushtin më të fortë Rusisë, në betejën për Detin e Zi

E për t’ia mësyrë pozicioneve ruse, ata detyrohen këtë ta bëjnë në këmbë, duke u rritur rreziku nga sulmet me dronë kamikaz.

Madje edhe eprorët e lartë të Ukrainë kanë pranuar se ky qytet është shndërruar në gërmadha dhe pothuajse as edhe një njeri nuk shihet duke lëvizur në atë rajon, përveç ushtarëve të dyja palëve që vazhdojnë të luftojnë kundër njëri-tjetrit. /Telegrafi/