Tyson Fury ishte prezent afër ringut, kur Anthony Joshua fitoi me një nokaut brutal në raundin e dytë ndaj Francis Ngannou.
Fury parashikoi para meçit se Anthony Joshua do të fitojë me nokaut në raundin e parë dhe ai nuk ishte shumë larg parashikimit.
Britaniku po duartrokiste bashkatdhetarin e tij pas nokautit, por me siguri kjo fitore do të ketë sjellë disa shqetësime.
Credits to Tyson Fury tho, he predicted that Anthony Joshua will knock out Francis Ngannou in the first round.
The integrity of the sport 🥊 had to be protected tonight.
— Victor Emmanuel Onuh (@official_vikoko) March 9, 2024
Kampioni i WBA, WBO dhe IBF, Oleksandr Usyk dhe kampioni i WBC, Fury takohen më 18 maj në një garë për të unifikuar titujt. Nëse Fury e fiton atë meç, atëherë do të kemi meçin mes dy britanikëve.
Promotori i Joshua, Eddie Hearn, ka folur për DAZN, duke i kërkuar Furyt ta mposht Usykun, për të organizuar pastaj meçin e madh mes britanikëve.
“Jam shumë krenar për të (Joshuan), ka pasur një presion të madh mbi të sonte. Ai hodhi zare, pasi fituesi i kësaj sfide do të luftojë me fituesin e Oleksandr Usyk kundër Tyson Fury”.
“Në këtë formë nuk ka asnjë njeri në kategorinë e peshave të rënda që mund të mposht Anthony Joshuan. Është një burrë aty poshtë i quajtur Tyson Fury. Ju lutemi mposhtni Usykn, sepse atëherë ne mund të organizojmë luftën më të madhe në historinë e kategorisë së peshave të rënda”, deklaroi Hearn.
Pas 18 majit do të dihet se a do ta kemi meçin e shumëpritur./Telegrafi/