Site icon Telegrafi

Të gjitha raportimet e para rreth lëndimit të Messit: Mungesa, trajtimi nga klubi, paniku te tifozët, shqetësimi në fytyrën e argjentinasit

Arbios Kryeziu

Pas katër javëve pa fitore, Barcelona i është kthyer fitoreve në La Liga duke mposhtur Sevillan me rezultat 4-2.

Por, skuadra katalunase ka ‘humbur’ lojtarin e tyre më të mirë, e themi këtë pasi Lionel Messi lëshoi fushën në minutën 26-të, 14 minuta pas golit të tij.

https://twitter.com/mediaculesgol10/status/1053724495096074240

Duke ditur se Barçen e presin dy ndeshje mjaft të vështira në vazhdim, ajo të mërkurën ndaj Interit në Ligën e Kampionëve dhe pastaj El Clasico kundër Real Madridit të dielën.

Pasi bëhet fjalë për lojtarin kryesor të Barcelonës, të gjithë tifozët nën ethe dhe emocione dëshirojnë të dinë çdo gjë rreth lëndimit të tij. Ata menjëherë i janë drejtuar mediave (posaçërisht atyre spanjolle) dhe rrjeteve sociale për të shprehur mendimet e tyre.

Më poshtë keni një përmbledhje rreth lëndimit të Messit, që nga momenti i lëndimit deri te mungesa e mundshme:

Lëndimi:

31-vjeçari u lëndua në minutën e 16-të gjatë një dueli me bashkëkombësin e tij, Franco Vazquez.

Argjentinasi gjatë rënies në tokë ka peshuar gjithë trupin e tij në dorën e djathtë dhe kështu lëndoi bërrylin, duke e drejtuar më shumë sa që duhet.

Trajtimi nga Barcelona:

Klubi kataluas për dhjetë minuta e ka trajtuar lojtarin në fushë dhe në fund kërkuan zëvendësimin e tij.

Messi rrugës për të bërë testet e para mjekësore (Foto: Esport3)

Messi menjëherë ka lëshuar stadiumin Camp Nou pasi mjekët e skuadrës kanë kërkuar që lojtari të bëjë ekzaminimet e menjëhershme në qendrën stërvitore të klubit.

Lëndimi në fytyrën e Messit:

Ylli i Barçës thellë në brendësinë e tij e kuptoi që gjërat ishin serioze. Ai posa ra në tokë mbajti me dorë bërrylin duke treguar se dhimbjet ishin të mëdha.

Messi teksa ndjen dhimbje të mëdha në dorën e tij (Foto: Alex Caparros/Getty Images/Guliver)

Mjekët menjëherë mbështjellën me fasha dorën e tij të djathtë, ndërsa jashtë fushë lojtari për disa kohë qëndroi i shtrirë. Se ishte një lëndim serioz e tregonte edhe fytyra e mërzitur e lojtarit.

Mungesa:

Nga raportimet e para në mediat spanjolle (AS dhe Marca) thuhet se lëndimi është më serioz sa që pritej fillimisht. Mundësitë që lojtari të mungojë ndaj Interit dhe Real Madridit janë shumë të mëdha, mungesa për një muaj është ajo që raportohet fillimisht.

Por, duke ditur se klasi dhe magjia e tij në fushë e bën ndeshjen më emocionuese dhe të bukur, të gjithë shpresojnë se lëndimi mos të jetë serioz dhe Leo t’i kthehet sa më shpejtë fushës së blertë.

Përditësim: Barceona njofton edhe zyrtarisht se Messi do të mungojë tri javë. /Telegrafi/

Pamje që mund t’ju interesojnë:

https://www.youtube.com/watch?v=3hpS3DXZ8xg&feature=youtu.be&a=

https://twitter.com/FOXSportsCo/status/1053751439271571456

Exit mobile version