Rep-artistja me prejardhje nga Prizreni, Tayna, vazhdon të jetë epiqendra e vëmendjes së fansave.
E gjithë kjo vjen për shkak të suksesit që ajo po korr dy vitet e fundit, përmes projekteve nga më të ndryshmet.
Kohë më parë ajo ka paralajmëruar projektin e saj të ri, të cilit gjatë ditës së sotme (e premte) i ka publikuar edhe disa sekuenca.
“Bass” titullohet kënga, që do të publikohet të dielën rreth orës 16:00.
Në po të njëjtën video që ajo ka shpërndarë, Tayna shfaqet me plot stil, e veshur në mënyrë ekstravagante dhe makijazh të rëndë.
Vlen të theksohet se talenti i saj ka arritur majat, pasi edhe së fundmi ka nënshkruar kontratë me kompaninë e njohur të muzikës “Sony Music”. /Telegrafi/