Telegrafi

Tayna paralajmëron këngën e re me fotografi tërheqëse në pyll

Tayna (Foto: Instagram/tayna)

Ajo ka arritur që për një kohë shumë të shkurtër të sjell revolucion në hip-hopin shqiptar.

Bëhet fjalë për rep-artisten Tayna, e cila vazhdon të mbajë epitetin ‘sensacioni’ i këtyre kohëve të fundit.

Reperja me prejardhje nga Prizreni, është tejet aktive në rrjete sociale, duke mbajtur të informuar fansat për më të rejat nga jeta e saj.

Ndërkaq, përmes një postimi në rrjetin social Instagram, Tayna ka publikuar një imazh atraktiv, ndërsa ka bërë të ditur se kënga e re do të publikohet së shpejti.

Me një pamje sikurse në përralla, reperja është shfaqur me një veshje ekstravagante, ndërsa flokët rozë i ka lënë të lira mbi supe.

Krejt kësaj dukje ajo i ka bashkangjitur edhe një makijazh me shkëlqim, ndërsa qëndronte e ulur në një karrige.

Deri sa po përgatitet për hitin e radhës, “A jo” mbetet kënga e fundit nga ajo, e që deri më tani ka arritur 5.7 milionë klikime në platformën YouTube. /Telegrafi/