Jordan Henderson dhe Trent Alexander-Arnold janë dy lojtarët e vetëm të Liverpoolit që janë përzgjedhur nga trajneri Gareth Southgate për ndeshjet finale të Ligës së Kombeve.
Dyshja e Redsave i janë bashkuar pjesës tjetër të skuadrës pas triumfit të jashtëzakonshëm në Ligën e Kampionëve dhe festës së madhe në Madrid dhe në Liverpul.
Ata dukeshin të disponuar kur u takuan me lojtarët e kombëtares, si Ben Chilwell, por duhej të ishin më të respektueshëm dhe më të përulur kur u takuan me dyshen e Tottenham Hotspur, Harry Kane dhe Eric Dier.
Two representatives from the European Champions have arrived…🦁🔴 pic.twitter.com/XcQIajfaLC
— Anfield HQ (@AnfieldHQ) June 4, 2019
Kane, i cili zhgënjeu në finale në Wanda Metropolitano, nuk dukej komod në këtë takim, mirëpo arriti të nxirrte një buzëqeshje gjatë përshëndetjes me lojtarët e ekipit kundërshtar.
Anglia luan kundër Holandës të enjten dhe në rast të fitores do të ndeshet në finale me fituesin e duelit ndërmjet Portugalisë dhe Zvicrës që zhvillohet sot (e mërkurë). /Telegrafi/