Maurizio Sarri u largua nga Chelsea për t’u emëruar trajner i Juventusit për sezonin 2019/2020, ndërsa ka nënshkruar kontratë trevjeçare.
Trajneri italian u largua nga skuadra londineze pas vetëm një viti të kaluar në Stamford Bridge, ndërsa arriti të tregonte lojë të bukur në Ligën Premier dhe garat e tjera.
Sarri ishte trajner i Chelseat në 63 përballje zyrtare, ndërsa ka arritur t’i kapë disa statistika mbresëlënëse sa ishte në Londër.
Maurizio Sarri Chelsea record:
👕 Games: 63
✅ Wins: 40
🤝 Draws: 11
❌ Defeats: 12🥇 Europa League
🥈 Carabao Cup
🥉 Premier League pic.twitter.com/f77CCdhZmz— SPORTbible (@sportbible) June 16, 2019
Strategu italian i fitoi 40 ndeshje, ka barazuar në 11, derisa i ka humbur vetëm 12 sfida.
Sarri arriti ta kualifikonte Chelsean në Ligën e Kampionëve, pasi përfundoi në vendin e tretë në ligën e Anglisë, duke fituar më pas Ligën e Evropës dhe shkoi deri në finale të Carabao Cup.
Italiani u transferua te Juventusi, duke nënshkruar kontratë deri më 30 qershor të viti 2022, ndërsa prezantimi i tij pritet të bëhet në ditët në vijim. /Telegrafi/