Tratativa e Interit për të transferuar mesfushorin portugez, Joao Mario, po bëhet gjithnjë e më e vështirë.
Është presidenti i klubit portugez, Bruno de Carvalho, i cili ia ka mbyllur derën skuadrës italiane pasi mendon se futbollisti që shkëlqeu në finalet e Euro 2016 nuk do të largohet.
“Sigurisht që është një futbollist shumë i kërkuar, por nuk ka ndryshuar asgjë nga deklaratat e mëparshme”, deklaroi fillimisht Carvalho.
“Sporting nuk është një klub që shet, pasi ne kemi një projekt shumë ambicioz”, përfundoi deklaratën e tij presidenti i klubit portugez.
Pak ditë më parë zikaltërit u dukën shumë pranë arritjes së marrëveshjes për transferimin e Joao Marios, për shifrën e 40 milionë eurove. /Telegrafi/
