Leonardo Esteban Adrian Gorri është një emër që në shikim të parë nuk thotë asgjë, por kur sheh fotot e tij, bëhet e qartë pse 41-vjeçari u bë i famshëm.
Me origjinë nga Argjentina, Gorri punon si shofer, por ngjashmëria e tij e jashtëzakonshme me Lionel Messin e ka bërë atë një yll si në rrugët e vendit të tij ashtu edhe në internet.
Gorri e kuptoi se mund të bëhej i famshëm për shkak të ngjashmërisë së tij me futbollistin e Inter Miamit, ndaj krijoi një llogari në Instagram të quajtur “Unë nuk jam Messi” që ka mbledhur gati 150 mijë ndjekës.
Përmbajtja e tij është humoristike – imitime të ndryshme të idhullit të tij, si fotoja e famshme e Messit duke fjetur me trofeun e Botërorit në shtrat.
Sozia e Messit shpesh ndalohet nga njerëzit në rrugë për të bërë foto, edhe pse njerëzit e dinë qartë se nuk është ai.
Arsyeja? “Messi origjinal” është 1.69 metra i gjatë, ndërsa Gorri gati 1.90 metra. /Telegrafi/