Sot (e enjte) fillon edicioni i ri 2020/21 në garën e dytë ekipore evropiane të njohur si Liga e Evropës.
Sezoni i fundit në Ligën e Evropës ishte mjaft interesant, ndërsa në fund Sevilla u kurorëzua me trofe, pasi mposhti në finale Interin.
Megjithatë, edhe ky sezon pritet të jetë po aq interesant sa i kaluari, pasi shumë klube të mëdha evropiane bëjnë pjesë në këtë garë këtë edicion.
The new #UEL season is upon us! 😍
Who are you backing to finish 🔝 scorer? 🤔#FedExPerformanceZone | @FedExEurope
— UEFA Europa League (@EuropaLeague) October 21, 2020
Milani, Arsenali, Roma, Napoli dhe Tottenhami janë klubet më të forta që fillojnë garën nga fillimi, ndërsa pas grupeve do t’ju bashkohen edhe disa klube nga Liga e Kampionëve.
Edhe në këtë edicion të gjitha ndeshjet do të zhvillohen të enjteve në dy orare: nga ora 18:55 dhe 21:00.
Nga ora 18:55, sot ndeshje do të zhvillojnë Napoli që pret AZ Alkmaarin, Roma që udhëton te Young Boys dhe Arsenali që luan në udhëtim te Rapid Vienna.
🔴 Arsenal step up preparations…
🔜 #UEL pic.twitter.com/It3gfTSLAs
— UEFA Europa League (@EuropaLeague) October 21, 2020
Tottenhami e pret LASK-un nga ora 21:00, ndërsa në këtë orar luhet edhe ndeshja më interesante e ditës në mes Celticut dhe Milanit.
Më poshtë keni të gjitha ndeshjet dhe orarin e tyre.
/Telegrafi/