Edicioni i ri i Ligës së Evropës fillon sot (e enjte) me ndeshjet e para të grupeve.
Pas Ligës së Kampionëve, radha vjen edhe për garën e dytë më të madhe ekipore evropiane, Ligën e Evropës.
Sezoni i ri i Ligës së Evropës fillon sot (e enjte), ku shumë skuadra të mëdha synojnë lavdinë evropiane, fitimin e trofeut.
Nga skuadrat e mëdha, ekipi i parë që do të debutojë me ndeshje sot është Chelsea.
Gjiganti londinez do të luajë me fillim nga ora 18:55 në udhëtim te PAOK-u në ndeshjen e vlefshme për Grupin L.
Nga ora 21:00 do të luajnë edhe dy skuadrat tjera të mëdha, anglezët e Arsenalit dhe italianët e Milanit.
Arsenali do të debutojë në Ligën e Evropës në shtëpi ndaj ukrainasve të Vorskla Poltavas në ndeshjen e vlefshme për Grupin E.
Në anën tjetër, Milani do të luajë në udhëtim ndaj Dudelange, takim ky i vlefshëm për Grupin F.
Përveç këtyre gjigantëve, në Ligën e Evropës do të luajnë edhe skuadra tjera të mëdha si Marseille, Sevilla, Lazio, Besiktas, Zenit dhe Leverkusen. /Telegrafi/
