Sky Sport e raporton si të kryer transferimin e Havertz dhe Silvas te Chelsea – Chilwell së shpejti

Chelsea ka mbyllur transferimin Kai Havertz dhe Thiago Silvas, derisa mbetet vetëm prezantimi zyrtar, raporton gazetari i Sky Sport, Angelo Mangiante.

The Blues do të paguajnë 80 milionë euro plus 20 milionë bonuse për transferuar lojtarin gjerman nga Bayer Leverkuseni.

Në rastin e Thiago Silvas, braziliani është pajtuar që të nënshkruajë kontratë njëvjeçare me mundësi vazhdimi edhe për një tjetër, gjersa do jetë transferim i lirë nga Paris Saint-Germain.

Lexo po ashtu Ndryshimet kanë filluar të vërehen te Chelsea - Lampard po ndërton një skuadër të frikshme te blutë e Londrës

Në rastin e Ben Chilwell, marrëveshja personale është arritur dhe lojtari thuhet se do t’i kryejë shumë shpejtë testet mjekësore.

Leicesteri  do të përfitojë 50 milionë euro plus pesë milionë bonuse nga The Blues për shitjen e mbrojtësit anglez. /Telegrafi/