Mediat italiane raportojnë se sulmuesi i Romës, Edin Dzeko është pajtuar me Interin për kushtet personale.
Sipas mediumit Sky Sport Italia, Dzeko ka rënë dakord për një transferim te Inter, ku ai do të bashkohet me shokun e tij, Radja Nainggolan.
Nuk është diçka e re tek mediat boshnjake, por këtë herë raportohet se është bërë një marrëveshje, të paktën mes lojtarit dhe klubit të tij të ardhshëm.
Ndërsa kontrata e tij aktuale me Romën skadon në qershor të vitit 2020 dhe nuk është propozuar rinovimi, duket sikur vendimi për t’u ndarë është i ndërsjellë.
Dzeko ka qenë pjesë e ekipit nga Olimpico që nga viti 2015, duke u bashkuar nga Manchester City për 15 milionë euro.
Deri më tani këtë sezon, 33-vjeçari ka shënuar 14 gola dhe 11 asistime në 39 ndeshje në të gjitha garat, por vetëm nëntë nga këto gola ishin në Serie A. /Telegrafi/