Monaco është skuadra që ka shënuar më shumë gola në ‘Top 5’ ligat më të forta evropiane në futboll.
Jemi mësuar gjithmonë të shohim gjigantët spanjoll, Barcelona dhe Real Madrid në krye të garës së skuadrave që shënojnë më shumë në Evropë.
Por, këtë sezon është skuadra franceze, Monaco, që ka gjetur rrugën e rrjetës më shumë deri më tani, duke lënë pas vete katalunasit dhe ‘Mbretërit’, teksa pas tyre vijnë edhe dy skuadra italiane dhe një angleze, shkruan Telegrafi.
Monaco ka arritur të shënoj plot 82 gola deri më tani këtë sezon, ku golashënuesit kryesor të skuadrës janë Radamel Falcao me 16 gola dhe Kylian Mbappe me nëntë tjera të shënuara.
Në vendin e dytë gjenden Barcelona me 76 gola të shënuara deri më tani në La Liga, ku primatin e golashënuesve e kanë Lionel Messi me 23 gola dhe Luis Suarez me 20 tjera sosh.
Vendi i tretë është i zënë nga Real Madridi, të cilët kanë shënuar në La Liga 67 gola këtë sezon, ku shënuesi i tyre kryesor është Cristiano Ronaldo me 18 gola dhe Alvaro Morata me tetë tjera.
Në vendin e katërt dhe të pestë gjenden skuadrat nga Serie A, Napoli dhe Roma, që kanë shënuar 62 dhe 58 gola respektivisht, ku shënuesit kryesor të tyre janë Mertens me 18 gola të shënuara dhe Edin Dzeko me 19 sosh.
Skuadra e vetme angleze që hynë të skuadrat që kanë shënuar më shumë deri më tani në këtë sezon nga pesë ligat kryesore evropiane është Liverpooli, që kanë shënuar 58 gola, ndërsa golashënuesit e tyre kryesor janë Sadio Mane me 12 gola dhe Roberto Firmino me nëntë. /Telegrafi/
Monaco – 82 gola
Barcelona – 76 gola
Real Madrid – 67 gola
Napoli – 62 gola
Roma – 58 gola
Liverpool – 58 gola
