Myron Boadu është njëri nga zbulimet e këtij edicioni në elitën e futbollit holandez.
Sulmuesi i talentuar është duke bërë një sezon të madh me AZ Alkmaar në Eredivisie ku me golat e tij po e mbanë skuadrën në garë për titull.
19-vjeçari ka shënuar 20 gola në të gjitha garat teksa ka shtuar edhe 13 asistime.
Qendërsulmuesi holandez ka zgjuar interesimin e skuadrave të mëdha italiane si Juventus, Roma dhe Milan që po e monitorojnë atë.
Boadu shihet si e ardhmja e futbollit holandez dhe AZ Alkmaar po pret që çmimi i tij të rritet ende deri në fund të sezonit.
Klubi i madh holandez shpreson që në fund ta shes yllin e tyre për një shumë mbi 30 milionë euro.
Gjithsesi lojtari nuk kërkohet vetëm nga ekipet e mëdha italiane, pasi interesim kanë shfaqur edhe Newcastle United, Manchester United, Borussia Dortmund dhe Schalke 04. /Telegrafi/