Ylli kolumbian i Real Madridit, James Rodriguez, pritet të përfundojë në kampionatin anglez, Ligën Premier.
Rodriguez nuk po arrin të gjej veten në skemat e trajnerit Zinedine Zidane dhe në verë pritet largimi nga Santiago Bernabeu.
Megjithatë, nuk mungojnë skuadrat e interesuara për mesfushorin kreativ kolumbian, i cili pëlqehet shumë nga klubet angleze.
Sipas gazetës spanjolle Marca, Arsenali është i interesuar për mesfushorin kolumbian, por mund të përballet me konkurrencën të fortë nga rivalët.
Edhe Evertoni dhe dhe Wolverhamton Wanderers duan shërbimet e Rodriguezit në verë.
Evertoni mund të ketë avantazhin në garën për Rodriguez për shkak të Carlo Ancelotti, i cili shijoi një lidhje të fortë me 28-vjeçarin gjatë kohës së tyre te Reali. /Telegrafi/
