Skautët e Real Madridit ishin të pranishëm gjatë ndeshjes së Ligës së Kombeve të Spanjës kundër Holandës, për të ndjekur disa objektiva.
Fokusi kryesor i skatuëve të Los Blancos ishte qendërmbrojtësi i Bournemothit, Dean Huijsen, i cili tashmë është në listën e tyre për sezonin e ardhshëm.
Sipas gazetës Marca, Real Madridi po vëzhgonte gjithashtu mbrojtësin holandez të Ajaxit, Jorrel Hato. Të dy lojtarët janë vëzhguar nga afër gjatë lojës.
‘Toptransfer voor Jorrel Hato én Dean Huijsen’ #nedspa #spaned #realmadrid #chelsea #liverpool https://t.co/fgHFCCIqu0
— SoccerNews.nl (@Soccernews_nl) March 22, 2025
Real Madridi po planifikon të shtojë thellësi në mbrojtjen e tyre shkaku i lëndimeve të shpeshta, por edhe disa lojtarëve që kanë kaluar të 30-tat.
Huijsen mbetet një objektiv kryesor, por Hato tani është përmendur gjithashtu si një opsion i mundshëm.
Edhe pse nuk ishte një krahasim i drejtpërdrejtë, performanca e Huijsen thuhet se ra më shumë në sy se ajo e Hatos gjatë natës. /Telegrafi/