Arsene Wenger një herë u përpoq të bënte një nënshkrim të trefishtë mahnitës për Arsenalin në vitin 2003.
Sipas vetë trajnerit legjendar, ai po kërkonte të nënshkruante me Gerard Piquen dhe Lionel Messin në të njëjtën kohë kur mori Cesc Fabregasin nga gjiganti spanjoll i La Ligës, Barcelona. Francezi zbuloi se skuadra londineze kontaktoi klubin nga “Camp Nou” për të pyetur nëse dyshja ishte në dispozicion.
Wenger e tregoi këtë histori mahnitëse gjatë një paraqitje në “Against The Odds – Cesc Fabregas: Pass Master”, e cila do të transmetohet në ITV4 këtë javë. Shfaqja do të detajojë kohën e spanjollit në klubin e Emirates, si dhe periudhat e tij në Bacelona, Chelsea dhe Monaco.
Wenger i tha emisionit: “Për të qenë i sinqertë kur nënshkroi Cesc, ne kontaktuam gjithashtu Messin dhe Piquen”.
“Pique në fund vendosi të shkojë te Man United, Fabregas vendosi të bashkohet me ne dhe Barcelona e mbajti Messin natyrisht! Kështu ndodhi”.
Çfarë mund të kishte ndodhur për Arsenalin nëse do të kishin në krah Piquen dhe Messin. Por, në pamje të pasme, vendimi i çiftit për të mos u bashkuar me Arsenalin ishte i mirë pasi ata të dy shijuan një karrierë spektakolare në Camp Nou.
Në verën e vitit 2003, një Fabregas i ri iu bashkua Gunners në moshën 16-vjeçare. Ai bëri debutimin e tij si lojtar i Arsenalit vetëm një muaj më vonë, në një ndeshje të Kupës së Ligës kundër Rotherham United.
Në total, mesfushori spanjoll bëri 303 paraqitje për Arsenalin. Gjatë kohës së tij me klubin, ai mori në dorë Kupën FA në vitin 2005 dhe ishte nënkampion në finalen e Ligës së Kampionëve 2006. /Telegrafi/