Gjenerata e re e ‘Serisë 7 2016’ të BMW-së pritet të vijë shumë shpejtë. BMW ka nisur publikimin e disa “reklamave” për modelin e ri më të avancuar.
Seria 7 e re i mundëson shoferit të dalë nga makina dhe ta parkojë makinën përmes një teledirigjuesi.
Por, mos mendoni se do të jetë e ngjashme me mënyrën se si James Bond e parkon BMW-në e tij, transmeton koha.net. Shoferi e kontrollon procesin e parkimit përmes një teledirigjuesi që përmban një ekran LCD.
Sistemi i informimit dhe argëtimit në gjeneratën e re do të përfshijë kontrollin me gjeste, navigimin me ekran të ndjeshëm në prekje dhe kontroll të përmirësuar të zërit.
Struktura e Serisë 7 të re do të ketë një dozë të lartë të materialit super të lehtë të fibrave të karbonit.
Për detajet tjera të makinës, pritet që BMW të dalë zyrtarisht me ndonjë komunikatë.
