Chelsea është ndarë çuditërisht me trajnerin e tyre Thomas Tuchel, një vendim që duket se do të ndikojë edhe te rivalët e tyre në grupin e Ligës së Kampionëve, Milanin dhe Interin, pasi këta të fundit huazuan Romelu Lukakun nga Blutë këtë verë.
Klubi londinez kanë njoftuar shkarkimin e teknikut gjerman me një deklaratë zyrtare pas humbjes së mbrëmshme ndaj Dinamo Zagrebit në garën më të madhe për klube në Evropë.
Chelsea është në Grupin E me Milanin dhe do të përballet me kuqezinjtë më 5 tetor (në Stamford Bridge) dhe 11 (në San Siro).
Gjigantët e Ligës Premier kanë specifikuar se ‘nuk do të ketë komente të mëtejshme derisa të bëhet një emërim i ri i trajnerit’.
Milani mori një barazim 1-1 si mysafir ndaj RB Salzburg në ndeshjen e tyre debutuese të fazës së grupeve dje.
Largimi i Tuchel do të ndikojë edhe tek rivalët lokal Milanin dhe Interin.
Lukaku fillimisht nuk ishte në marrëdhënie të mira me strategun gjerman dhe u detyrua të kthehej në ish-klubin e tij në fund të 2021-22.
Nerazzurrët kanë paguar 8 milionë euro për huazimin e lojtarit deri në vitin 2023 dhe nuk kanë një opsion për ta bërë lëvizjen e tij të përhershme në fund të sezonit.
Ka raportime për bisedime mes Interit dhe Bluve për një transferim të mundshëm të përhershëm për Lukakun, por largimi i Tuchel me siguri ndryshon skenarin dhe mbetet për t’u parë se çfarë do të ndodhë me të ardhmen e belgut në San Siro pas vitit 2023 pas zhvillimit të madh të sotëm. /Telegrafi/