Uashingtoni duket se po bllokon në mënyrë efektive Mbretërinë e Bashkuar, që të lejojë Kievin të lëshojë raketa Storm Shadow brenda Rusisë, raporton The Times.
Mbretëria e Bashkuar ka pritur për miratimin e SHBA për më shumë se një muaj, tha një burim qeveritar, transmeton Telegrafi.
Qeveria britanike dëshiron që Ukraina t’i përdorë armët siç dëshiron, por kërkohet konsensus midis SHBA-së, Francës dhe një vendi tjetër të NATO-s pa emër.
Një burim qeveritar theksoi për The Times se Mbretëria e Bashkuar nuk po fajësonte SHBA-në për ndonjë vonesë.
Mbretëria e Bashkuar ishte vendi i parë që furnizoi publikisht Kievin me raketa me rreze të gjatë.
Ndërsa ka lejuar përdorimin e tankeve britanike dhe armëve të tjera në tokën ruse, kufizimet mbeten për raketat.
Një burim britanik më parë tha se trupat ukrainase mendohet se kanë përdorur tanke britanike Challenger 2 brenda Kurskut. /Telegrafi/