Telegrafi

Sezon katastrofë dhe paralajmërim për blerje të reja, Liverpooli në krye të listës ka yllin e Interit

Nicolo Barella është një nga objektivat kryesore të Liverpoolit për të përforcuar mesfushën e tyre në afatin kalimtar të verës.

Reds nuk kanë pasur një sezon pozitiv nën drejtimin e Jurgen Klopp këtë sezon, duke zbritur në vendin e 8- të në tabelën e Ligës Premier dhe duke pësuar një humbje të dhimbshme 5-2 ndaj Real Madridit në ndeshjen e parë të eliminimit direkt të Ligës së Kampionëve.

Klopp sot konfirmoi se Liverpooli do të investojnë shumë në afatin e ardhshëm të verës, duke thënë: “Do të ketë blerje të reja verën e ardhshme dhe kjo është arsyeja pse unë rinovova”.

Siç raportohet nga La Gazzetta dello Sport, Barella është një nga lojtarët në listën e ngushtë të mesfushës së Liverpoolit.

Lojtari i Interit është ndjekur nga afër nga një numër skautësh të The Reds në muajt e fundit, duke përfshirë Paul Goldrick dhe kreun e tyre të skautizmit, Barry Hunter.

Lexo po ashtu Nga Bayern Munich te Real Madridi dhe Interi - Zbulohen shanset e klubeve që mund ta fitojnë Ligën e Kampionëve këtë vit

Disa muaj më parë, Klopp foli për Barellan, duke thënë se ai nuk është ” lojtar” dhe se “do të ishte mirë ta kishim “.

Mesfushori 26-vjeçar italian ka kontratë me Nerazzurrët deri në qershor 2026 dhe është i lumtur me klubin, por gjërat mund të ndryshojnë nëse një ofertë fitimprurëse arrin në verë./Telegrafi/