Volodymyr Zelensky dhe Sekretari i Përgjithshëm i OKB-së, Antonio Guterres, kanë bërë thirrje për vazhdimin e marrëveshjes së grurit të Detit të Zi.
Ata duan një zgjatje të marrëveshjes, e cila i lejon Ukrainës të eksportojë grurë nga portet e saj të bllokuara të Detit të Zi, dhe lejon Rusinë të eksportojë ushqime dhe plehra.
Zelensky tha se marrëveshja e grurit është e nevojshme për botën, pas diskutimeve që i pati me Guterresin në Kiev, transmeton Telegrafi.
Shefi i OKB-së theksoi gjithashtu rëndësinë e nismës, duke thënë: “Eksportet e ushqimit dhe plehrave ukrainase dhe ruse janë thelbësore për sigurinë globale të ushqimit dhe çmimet e ushqimit”.
Marrëveshja 120-ditore, e ndërmjetësuar fillimisht nga Kombet e Bashkuara dhe Turqia në korrik ishte zgjatur deri në nëntor, por ajo do të rinovohet më 18 mars, nëse asnjëra palë nuk e kundërshton. /Telegrafi/
Volodymyr Zelenskyy met with UN Secretary General António Guterres in Kyiv
At the meeting, the sides discussed the extension of the grain deal, as well as the exchange of prisoners. pic.twitter.com/jJ5r7OYm05
— NEXTA (@nexta_tv) March 8, 2023