Aktori hollivudian, Danny DeVito, thotë se ai dhe Arnold Schwarzenegger dëshirojnë të përsërisin rolin e tyre si binjakë në vazhdimin e filmit “Twins”, ndërsa thotë se edhe aktori i famshëm Eddie Murphy do t’u bashkohet atyre si vëlla.
Schwarzenegger dhe DeVito kanë luajtur rolin e dy vëllezërve binjakë të cilët ishin ndarë në lindje, ndërsa ky film komik ishte hit qëkur u lansua në vitin 1988, transmeton koha.net.
Njëri biond naiv e trupmadh, ndërsa tjetri i shkurtër e tullac, luanin si binjakë në filmin “Twins”.
“Është bërë kohë që kjo gjë po flitet, dhe se të gjithë dëshirojnë ta bëjnë atë, ndërsa ne vetëm duhet të gjejmë kohë dhe do ta bëjmë atë film”, ka deklaruar DeVito.
