Valon Berisha është afër transferimit në kampionatin gjerman, Bundesliga.
Mesfushori i Përfaqësueses së Kosovës ka pasur një vit jashtëzakonisht të mirë në Austri me Red Bull Salzburgun.
Por duket se aventura e tij në kampionatin austriak do të përfundojë së shpejti.
Skuadra e madhe gjermane, Schalke 04 është duke e kërkuar me ngulm transferimin e Berishës.
24-vjeçari në tri ndeshjet e para këtë edicion me Salzburgun ka shënuar tre gola duke treguar formë të lartë.
Mediat gjermane kanë raportuar se Schalke ka gati rreth tetë milionë euro për transferimin e Berishës në Bundesliga.
Ish-anëtari i skuadrës norvegjeze Viking, ka kontratë me Salzburgun deri në qershor të vitit 2020.
Interesim për të ka shprehur edhe skuadra e njohur angleze Stoke City. /Telegrafi/