Trajneri i Juventusit, Maurizio Sarri insiston se gara e fortë me Interin dhe Lazion në garën për titull do të jetë motiv për ekipin e tij.
Sezoni aktual në Serie A është më i forti i viteve të fundit, pasi tri skuadrat: Interi, Juventusi dhe Lazio janë në garë për titull.
Për këtë garë ka folur edhe trajneri i Bianconerëve, Sarri, i cili e sheh si motiv për ekipin e tij që të arrij ta fitoj trofeun.
“Ishte e qartë që nga fillimi që ky do të ishte një lloj sezoni tjetër”, ka thënë fillimisht Sarri.
“Unë mendoj se është motivuese për të qenë në një garë për titull deri në fund, kështu që mendoj se duhet të ushqehemi nga kjo situatë”.
🎙 Sarri: Lazio-Inter? Important, but not decisive, we're thinking about ourselves.#JuveBrescia
— JuventusFC 🇬🇧🇺🇸 (@juventusfcen) February 15, 2020
Inter dhe Lazio luajnë kokë më kokë të dielën në mbrëmje, a do të jetë ky momenti vendimtar për Scudetto?
“Asnjë ndeshje e vetme nuk është vendimtare. Thjesht duhet të përqendrohemi te vetja dhe të marrim sa më shumë pikë që është e mundur”, përfundoi Italiani.
Ndryshe, Interi luan në udhëtim te Lazio, ndërsa Juventusi e pret Brescian në ndeshjet e vlefshme për javën e 24-të në Serie A. /Telegrafi/