Deputetja e Lëvizjes Vetëvendosje, Albulena Haxhiu ka reaguar ndaj paralajmërimeve se ndaj Albin Kurtit mund të lëshohet urdhërarrest.
Haxhiu, në Facebook ka shkruar se çdo herë kur paralajmërohet rikthimi i demarkacionit në Kuvend, pushteti kërkon shërbim nga sistemi i drejtësisë për të persekutuar deputetët e aktivistët e VV-së.
Sipas saj, para se të arrestohet Kurti, drejtësia duhet të veprojë për arrestimin e Kurtit në vitin 2015 pa asnjë udhërarrest zyrtar, veprim të cilin ajo e quan kidnapim, transmeton Periskopi.
Ajo ka thënë se qe 18 muaj nuk është ndërmarrë asgjë për këtë rast.
Shkrimi i saj i plotë:
Sot, bëhen 18 muaj prej kur Albini ka deponuar kallëzimin penal për kidnapimin e tij!
Albini u kidnapua nga policia per rastin e njejte, per te cilin po gjykohet sot, ku u leshua edhe fletarresti!
Qe 18 muaj, as edhe nje veprim nuk eshte nderrmare ne raport me kallezimin penal!
Se pari duhet te vendoset drejtesi ne kete rast!
Kapjen e sistemit te drejtesise, e deshmojne edhe fletarrestet dhe arrestimi i aktivisteve!
Sa here paralajmerohet rikthimi i demarkacionit ne Kuvend, pushteti kerkon edhe sherbimin e sistemit te drejtesise, pra vazhdon persekutimin e deputeteve dhe aktivisteve!
Sinqerisht nuk e di kur do ta kuptojnë këta gjyqtarë të kapur se asnjëra prej masave që ata marrin nuk na frikesojnë dhe ndalin!
#demarkacioninukkalon
#zajednicanukkalon
