Ndërsa forcat ukrainase hyjnë në ditën e tyre të 34-të të luftës me Rusinë, Ministria e Mbrojtjes e Britanisë së Madhe ka thënë se forcat e Kremlinit ende përbëjnë një “kërcënim të madh” për kryeqytetin ukrainas.
Në një deklaratë, ministria tha: “Forcat ukrainase kanë vazhduar të kryejnë kundërsulme të lokalizuara në veriperëndim të Kievit – duke përfshirë Irpen, Bucha dhe Hostomel. Këto sulme kanë pasur njëfarë suksesi dhe rusët janë larguar nga një numër pozicionesh”.
Latest Defence Intelligence update on the situation in Ukraine – 29 March 2022
Find out more about the UK government's response: https://t.co/G4yuXc9WZb
🇺🇦 #StandWithUkraine 🇺🇦 pic.twitter.com/RZuUbFj37x
— Ministry of Defence 🇬🇧 (@DefenceHQ) March 29, 2022
“Sidoqoftë, Rusia ende paraqet një kërcënim të rëndësishëm për qytetin përmes aftësisë së saj goditëse”.
“Forcat ruse kanë vazhduar ofensivën e tyre në Mariupol me granatime të vazhdueshme të rënda të qytetit, megjithatë qendra e qytetit mbetet nën kontrollin e Ukrainës”.
“Diku tjetër, forcat ruse po mbajnë pozicione bllokuese ndërsa përpiqen të riorganizojnë dhe rivendosin forcat e tyre”. /Telegrafi/