Kanali Ukraine Weapons Tracker ka publikuar një video, që tregon një aeroplan luftarak të forcave ajrore ruse Su-27, duke tentuar të rrëzojë një dron ukrainas Bayrakatar TB2.
Videoja u publikua pesë ditë pasi dy Su-27 rus rrëzuan një NQ-9 Reaper të forcave ajrore të SHBA në ujërat e Detit të Zi, transmeton Telegrafi.
Mediat turke raportojnë se ky incident ka ndodhur mbi ujërat e Detit të Zi. Videoja tregon dy përpjekje për të rrëzuar Bayraktar TB2.
Nuk është e qartë nëse dy tentativat janë bërë nga i njëjti gjuajtës apo, siç ishte rasti me dronin amerikan, janë përfshirë dy aeroplanë luftarak.
Në të dyja përpjekjet droni dridhet shumë. Por në të dyja tentativat, Bayraktar TB2 arriti të rifitonte pozicionin e tij pa u rrëzuar në ujërat e Detit të Zi. Mund të shihet se droni madje arrin të mbajë një lartësi fluturimi mbi 5.700 metra.
Kujtojmë që disa ditë më parë një dron i ushtrisë amerikane u godit nga një aeroplan luftarak rus, i cili e fillimisht hodhi sipër tij derivat dhe më pas e goditi në helikë.
A Russian Su-27 unsuccessfully tries to shoot down a Bayraktar TB2 of the Ukrainian Navy over the Black Sea.
The attempt to destroy the drone was carried out in the same manner as in the recent incident involving the US MQ-9 Reaper. pic.twitter.com/7N85yKozXl
— Claudio Torbinio (@My_Salute) March 20, 2023
Moska kishte mohuar akuzat duke pretenduar se nuk ka pasur kontakt fizik, pavarësisht se Washingtoni vazhdimisht akuzonte Rusinë për këtë rrëzim.
E pas publikimit të pamjeve nga Pentagoni u konfirmua edhe një herë se Rusia sërish ka gënjyer, dhe se ishte pikërisht aeroplani i tyre që e kishte goditur helikën e dronit, duke e detyruar operatorin ta rrëzojë në Detin e Zi. /Telegrafi/
