Cristiano Ronaldo thuhet se ka kërkuar nga Juventusi transferimin e Mauro Icardit nga Interi, para Romelu Lukakut të Manchester Unitedit.
Tashmë situata e sulmuesit argjentinas te Nerazzurët është bërë e qartë, me lojtarin që e do largimin qysh në këtë afat kalimtar.
Interi po refuzon që ta shesë Icardin te Zonja e Vjetër, mirëpo është dëshira e lojtarit që të kalojë në Torino.
Kampioni i Serie A-së është po ashtu në garë për transferimin e sulmuesi belg, por Unitedi po tenton që t’i marrë shërbimet Paulo Dybalas në shkëmbim.
Sipas asaj që raporton La Gazzetta dello Sport, pesë herë fituesi i Topit të Artë i ka kërkuar Juventusit transferimin e Icardit.
Portugezi e pëlqen argjentinasit para Lukakut që aktualisht nuk pëlqehet edhe nga Djajtë e Kuq, por që marrëveshja aktualisht është e vështirë nga të dyja anët. /Telegrafi/
