Cristiano Ronaldo i ka thënë presidentit të Real Madridit, Florentino Perez, që të transferojë sulmuesin e Juventusit, Paulo Dybala.
Barcelona dështoi të hapë ofertën për argjentinasin të dielën sipas mediave.
Don Balon shkruan se Ronaldo i ka thënë Perezit që të mos lejojë që Dybala t’i ikë nga duart dhe që ai të shkojë te Barcelona.
Ronaldo i ka thënë Perezit se me Dybalan në krahun e djathtë dhe ai në qendër të sulmit, e Bale në krahun e majtë, sulmi i Los Blancos do të ishte i pandalshëm.
Pak kohë më parë Ronaldo u lëvdua nga Dybala në një intervistë të dhënë nga argjentinasi, ku ai majde shprehur dëshirën për të luajtur me të. /Telegrafi/