Vera e vitit 2021 mund të jetë e nxehtë në aksin Torino-Madrid, pasi ylli portugez Cristiano Ronaldo mund të rikthehet te Real Madridi.
Ronaldo u transferua te Juventusi në vitin 2018, por pas dështimeve të njëpasnjëshme të klubit italian në Ligën e Kampionëve, sulmuesi mund të largohet këtë verë.
Paris Saint-Germain dhe Manchester Unitedi u përfolën si klube të mundshme për transferimin e Ronaldos, ndërsa tani ka dalë edhe një hipotezë e re.
Sipas gazetës Marca dhe El Chiringuito, agjenti Jorge Mendes tashmë ka pasur diskutime me bordin e Realit në lidhje me Ronaldon.
“Jorge Mendes ka folur me Real Madrid për mundësinë e kthimit të Cristianos”, ka zbuluar Josep Pedrerol në El Chiringuito.
💣💥 ¡¡BOMBAZO!! ¡El globo sonda de Mendes al Real Madrid sobre un posible regreso de Cristiano! https://t.co/GHuQ5Tvdg6 Te lo cuenta @jfelixdiaz
— MARCA (@marca) March 12, 2021
Rikthimi i Ronaldos në Bernabeu duket një hipotezë reale, pasi sikurse lojtari, ashtu edhe Juventusi janë të gatshëm t’i ndajnë rrugët.
Juventusi po kalon në një kohë delikate financiare dhe largimi i Ronaldos do të stabilizonte financat e tyre. /Telegrafi/