Roma thuhet se ka kërkuar informacione për Juan Cuadradon si dhe Suson, kur janë takuar me agjentin Alessandro Lucci më herët sot (e diel) gjatë ditës.
Giallorossi u takua me agjentin Lucci për të diskutuar rinovimin e kontratës së italianit Alessandro Florenzi.
Por, sipas mediave italiane thuhet se ata gjithashtu kërkuan informacion në lidhje me sulmuesin anësor spanjoll të Milanit, Suso.
Sipas tyre, Suso nuk është i vetmi në listën e dëshirave të Giallorossëve, pasi pëlqehen edhe tjerë lojtarë në Serie A.
Mediumit Sky Italia raporton se skuadra nga Olimpico gjithashtu diskutoi për kolumbianin e Juventusit, Juan Cuadrado.
Roma po kërkon dikë që të luajë në krahun e djathtë të sulmit pasi Barcelona ua ‘vodhi’ nga duart brazilianin Malcom.
Përveç këtyre dy lojtarëve, klubi kryeqytetas është i interesuar edhe për Emil Forsberg, Federico Chiesa, Christan Pulisic dhe Leon Bailey.
Deri më tani romakët kanë transferuar Justin Kluivert, Davide Santon, Nico Zaniolo, Bryan Cristane, Ivan Marcano, Ante Coric dhe Robin Olsen. /Telegrafi/