Site icon Telegrafi

Rizespor mohon se ka marrë ofertë prej Fenerbahces për Muriqin

Vedat Muriqi duket se do të jetë temë e nxehtë e afatit kalimtar të verës në Turqi.

Mediat e këtij vendi kanë raportuar se reprezentuesi i Kosovës dhe Fenerbahçe kanë arritur një marrëveshje në mes veti.

Sipas tyre, gjiganti turk ka ofruar mbi dy milionë euro për shtat-gjatin prizrenas me mundësi që edhe një milion t’i merr në fund të sezonit, klubi i Rizespor.

Kjo e fundit pas këtyre shkrimeve ka mohuar se ka marr ndonjë ofertë prej “kanarinave të verdha” dhe se pret që të vazhdojë bashkëpunimin me shqiptarin.

Theksojmë se 24-vjeçari deri më tani në këtë sezon ka shënuar 12 gola në Superligën e Turqisë, duke dhënë edhe shtatë asistime në 27 ndeshje.

Muriqi ka kontratë me klubin deri në vitin 2020.

Ai është një nga top-shënuesit e Superligës turke këtë vit. /Telegrafi/

Exit mobile version