Legjenda e Barcelonës dhe Brazilit, Rivaldo mendon se ylli i Liverpoolit, Philippe Coutinho është zëvendësuesi ideal për Neymarin dhe do të lulëzonte në Spanjë.
Ylli brazilian po kërkohet me ngulm nga Barcelona pas shitjes së Neymarit te Paris Saint-Germain për një shifër rekord botëror prej 222 milionë eurove.
Edhe vet Coutinho ka bërë një kërkesë transferimi te Liverpooli për të kaluar te gjiganti katalunas, por që ajo është refuzuar nga Reds.
Se ylli brazilian është i nevojshëm dhe i duhur për ekipin e Ernesto Valverdes, ashtu mendon edhe legjenda e Blaugranëve dhe Brazilit, Rivaldo.
“Falë shitjes së Neymar, Barça ka bërë shumë para dhe kjo është e rëndësishme sepse do t’i lejojë klubit të mirëpresë talent të rinj”, ka thënë fillimisht Rivaldo për gazetën AS.
“Coutinho do të ishte një opsion i mirë dhe idela për të luajtur në vend të Neymarit”.
“Edhe Paulinho do të ishte gjithashtu një vendim i mirë për të ardhur dhe për të forcuar mesfushën”, përfundoi legjenda braziliane. /Telegrafi/