Declan Rice është njëri nga mesfushorët më të kërkuar në Evropë nga skuadrat e mëdha.
Mesfushori i talentuar anglez ka shkëlqyer me skuadrën londineze West Ham, ku janë duke kaluar nëpër një vit fantastik si klubi ashtu edhe lojtari.
Rice ka ndihmuar klubin londinez që të jetë në garë për një vend që i dërgon në Ligën e Kampionëve dhe vlera e tij po rritet çdo ditë e më shumë.
22-vjeçari është në listën e dëshirave të katër top skuadrave evropiane si Real Madrid, Manchester City, Manchester United dhe Chelsea.
West Ham United po bën rezistencë të madhe për mos ta lejuar largimin e tij dhe nëse skuadra arrin të sigurojë një vend në Ligën e Kampionëve për edicionin e ri, atëherë largimi i Rices nga klubi nuk pritet të ndodhë.
Gjithsesi skuadrat e lartëpërmendura janë të gatshme të shpenzojnë deri në 70 milionë euro për afrimin e reprezentuesit anglez në radhët e veta.
Rice këtë edicion ka zhvilluar 32 ndeshje, ku ka shënuar një gol dhe ka asistuar në një tjetër për West Hamin. /Telegrafi/