Cristiano Ronaldo këtë vi është futbollisti më i paguar në botë dhe kjo ka bërë që të jetë në vendin e parë të listës së Forbes.
Sipas kësaj të fundit, renditja është bërë në bazë të ardhurave prej pagës dhe sponsorëve, duke marrë në konsideratë edhe shpërblimet e ndryshme që i janë dhënë yllit portugez të Real Madridit.
Ronaldo është futbollisti me fitime më të mëdha duke arkëtuar deri më tani mbi 93 milionë dollarë, transmeton Telegrafi.
CR7 pas ka lënë ylli argjentinas të Barcelonës, Lionel Messin, i cili ka fituar mbi 80 milionë dollarë ndërsa bashkëlojtari Neymar zë pozitën e tretë me 37 milionë dollarë.
Top dhjetëshen e përfundon transferi më i shtrenjtë në botë Paul Pogba i Manchester Unitedit, i cili ka fituar 21 milionë dollarë. /Telegrafi/
