Isco mund të largohet nga Real Madridi qysh në afatin kalimtar të janarit.
Kampioni në fuqi i Spanjës e ka nxjerr në shitje mesfushorin spanjoll dhe po pret ndonjë ofertë gjatë dy ditëve të fundit të afatit kalimtar.
Mesfushori spanjoll Isco nuk ka pasur hapësira të shumta dhe këtë edicion ka luajtur në vetëm 18 takime, kryesisht nga banka rezervë duke bërë një asistim.
Reali i ka caktuar çmimin e largimit dhe nëse vije ndonjë ofertë prej 40 milionë eurove do ta largojë menjëherë lojtarin.
Sevilla mbetet skuadra më e interesuar për ta marrë spanjollin, por që nuk janë në gjendje ta paguajnë shumën e kërkuar nga Real Madridi.
28-vjeçari kërkohet edhe nga Arsenal, Milan dhe Everton, por asnjëra nga skuadrat nuk duan të shpenzojnë këtë shumë gjatë janarit.
Reprezentuesi spanjoll ka kontratë me Realin deri në verën e vitit 2022, por ai nuk pëlqehet nga trajneri Zidane.
Gjithsesi mediat spanjolle kanë raportuar se nëse Reali ulë pretendimet financiare, atëherë ndonjëra nga ekipet e lartpërmendura mund të tentojë transferimin e Iscos. /Telegrafi/