Real Madridi vazhdon përpjekjet për transferimin e portierit të Chelseat, Thibaut Courtois.
Los Balncos kanë marrë përgjigje negative nga Blutë, megjithatë ata nuk heqin dorë nga lojtari belg.
Drejtuesit e klubit spanjoll janë të gatshëm t’ia ofrojnë James Rodriguezin klubit londinez në shkëmbim të Courtois, një ofertë që sigurisht se do ta bëjë Antonio Conten të mendohet mirë para se të marrë një vendim.
Kolumbiani e ka humbur vendin e titullarit në formacionin e Zinedine Zidane dhe me shumë gjasë do të largohet në verë, prandaj madrilenët kërkojnë që të përfitojnë nga largimi i tij dhe ta marrin portierin e shumë dëshiruar.
Courtois, i cili ka luajtur te Atletico Madridit, ka deklaruar haptas se do të donte të kthehej në Spanjë.
Nga ana tjetër, James kërkohet nga shumë klube evropiane dhe ai është i interesuar të ndërrojë ambient për të luajtur më shumë. /Telegrafi/