Real Madridi është i interesuar që të përtërijë skuadrën në këtë verë, duke bërë vend për disa nga lojtarët më të mirë të rinj në qarkullim.
Klubi mbretëror është duke i projektuar katër përforcime, për të bërë revolucion total në skuadër.
Në portë pritet bashkimi më David de Gean. Portieri i Manchester United ka qenë i lidhur me një kalim te Reali, por kishte dështuar në ditën e fundit të afatit kalimtar.
Në mesfushë kërkohet fenomeni anglez i Tottenhamit, Dele Alli. Real Madridi ka marrëdhënie të mira me Tottenhamin pasi më herët nga kjo skuadër kishte ofruar Luka Modricin dhe Gareth Balen.
Sulmi pritet të bëjë revolucion total. Të mundshme janë largimet e Karim Benzema dhe Alvaro Morata.
Për t’i zëvendësuar mund të blihen Kylian Mbappe dhe Paulo Dybala.
Sigurisht, transferimi i katër prej tyre është shumë i vështirë, por cilido që të aterrojë në Madrid, do të ishte top-përforcim për ekipin e Zinedine Zidane. /Telegrafi/