Real Madridi e ka identifikuar Edin Dzekon si rezervë të shkëlqyer të Karim Benzemas në Santiago Bernabeu.
Sulmuesi francez është përballur me lëndime të shumta këtë sezon duke mos luajtur mjaftueshëm, ashtu që klubi e ka përpara planin për angazhimin e një lojtari tjetër.
Sipas Calciomercatoweb, sulmuesi i Interit konsiderohet si rezervë e denjë për yllin e Los Blancos për rastet kur ai nuk mund të luajë.
Reali shpreson një transferim afatshkurtër për të bërë rotacion me fituesin e Topit të Artë dhe boshnjaku është shënjestra kryesore.
Megjithatë, mediat tjera italiane raportojnë se kjo marrëveshje vështirë mund të arrihet, sepse Dzeko është i përkushtuar te Interi. /Telegrafi/