Real Madridi e ka në plan të fitojë 300 milionë euro nga shitjet e lojtarëve të padëshiruar për të pasur më shumë financa për blerjet e reja në verë.
Investimi i drejtuesve të Real Madridit në verën e këtij viti mund të arrij deri në 600 milionë euro, por drejtuesit po mendojnë t’i nivelizojnë shpenzimet nga shitjet, ku synojnë të fitojnë plot 300 milionë euro.
Real Madridi duhet të arrijë nivelojë financat për të kënaqur UEFA-në dhe komitetin e tyre ekzekutiv, i cili do të miratojë kuadrin e ri financiar të Fair Play-it për sezonin e ardhshëm përpara përfundimit të Ligës së Evropës të mërkurën.
Me klubin që ka nevojë për të goditur një objektiv të veçantë shumë yje mund të shohin veten të larguar nga Santiago Bernabeu ndër ta edhe, Isco, Gareth Bale dhe James Rodriguez, të cilët mund të sjellin më shumë para.
Bale vlerësohet 70 milionë euro, Rodriguez 65-70 milionë, ndërsa Isco 60 milionë euro, ndërsa skuadrat e Ligës Premier janë favoritë për shërbimet e tyre.
Mateo Kovacic ka të ngjarë të nënshkruajë me Chelsean për 35 milionë euro, por nëse nuk përfundon transferimi me sukses atëherë Mbretërit synojnë të përfitojnë 25 milionë euro nga shitja e tij.
Keylor Navas, Dani Ceballos, Lucas Vazquez, Mariano Diaz, Raul De Tomas, Borja Mayoral, Marcos Llorente, Jesus Vallejo, dhe Theo Hernandez janë lojtarët tjerë, shitjet e të cilëve mund t’i sjellin Los Blancos më pranë objektivave të tyre.
Më poshtë keni listën e lojtarëve që mund të shiten dhe vlerën e tyre:
/Telegrafi/