Real Madridi thuhet se tashmë ka rezervuar një numër të fanellës për yllin belg të Chelseat, Eden Hazard.
Sipas mediumit anglez The Mirror, Hazard është shfaqur si objektivi numër një i kampionëve evropianë për të zëvendësuar Cristiano Ronaldon e larguar.
Kjo pasi, dyshja Neymar dhe Kylian Mbappe mendohet se do të qëndrojnë përfundimisht në Paris Saint-Germain për sezonin e ri.
Nënshkrimi i Juventusit me Ronaldon do të thotë se Los Blancos janë të etur për të shtuar cilësi në sulmin e tyre dhe Hazard ka ngecur në nënshkrimin e një marrëveshjeje të re në Stamford Bridge.
Disa media në Angli e japin si të kryer transferimin e yllit belg në Santiago Bernabeu, pasi sipas tyre skuadrat kanë arritur marrëveshje në shifrën e 190 milionë eurosh.
Në anën tjetër, mediat në Spanjë raportojnë se Real Madridi janë aq të sigurt në marrëveshje saqë e kanë rezervuar edhe numrin e fanellës për Hazard.
Hazard mban veshur fanellën me numër 10 te Chelsea, por numri aktualisht është i zënë nga heroi kroati në Kupën e Botës, Luka Modric.
Kështu që Hazardit thuhet se do t’i jepet fanella me numër 7, pasi është lënë e lirë pas largimit të yllit portugez, Ronaldo. /Telegrafi/