Real Madrid dhe Barcelona përfaqësojnë rivalitetin më të madh futbollistik në Spanjë dhe konkurrojnë pothuajse në çdo aspekt si brenda dhe jashtë fushës.
Pavarësisht këtij rivaliteti të ashpër, ka një respekt midis dy klubeve dhe midis presidentëve të tyre përkatës Florentino Perez dhe Joan Laporta.
Të dy janë të vetëdijshëm se çdo vendim që ata marrin mund të ndikojë shumë tek tjetri, qoftë kjo Superliga Evropiane, lufta kundër menaxhimit të La Ligës apo vendime të tjera më të thjeshta sportive.
Dy klubet janë vazhdimisht në bisedime me njëri-tjetrin dhe muajt e fundit disa prej këtyre diskutimeve kanë qenë për një rregull të pashkruar: respektimin e situatave të kontratës së lojtarëve të njëri-tjetrit.
Sipas gazetës Marca, ka pasur një marrëveshje verbale mes Perez dhe Laporta për të mos ndërhyrë me lojtarët e ekipit tjetër që janë ende nën kontratë. Lojtarët që janë jashtë kontratës janë një histori tjetër, natyrisht, dhe janë një lojë e ndershme nëse njëra nga dy klubet vendos t’i ndjekë ata.
Ka pasur interes nga Real Madrid për Ronald Araujo, të cilin Perez e mohoi, pavarësisht se Los Blancos e mbajnë atë në një vlerësim tash e sa kohë.
Një lëvizje për Araujo, ose ndonjë lojtar për këtë çështje, do të ndodhte vetëm nëse ai do të ishte në gjashtë muajt e fundit të kontratës së tij aktuale.
Një situatë ndryshe me Haaland
Sidoqoftë, nënshkrimi i lojtarëve nga klubet e tjera është një çështje tjetër dhe besohet se Laporta është gati të bëjë absolutisht gjithçka në fuqinë e tij për të parandaluar që Real Madrid të nënshkruajë me Erling Haaaland nga Borussia Dortmund.
Presidenti i Barcelonës është i gatshëm të shesë lojtarë të ndryshëm në mënyrë që të financojë një lëvizje për sulmuesin e ri norvegjez dhe ta pengojë atë të veshë fanellën e rivalëve më të mëdhenj të klubit të tij.
/Telegrafi/