Reagime të shumta të tifozëve të Juves për krahasimin me Putinin në ndeshjen ndaj Fiorentinas

Një shenjë anti-Vladmir Putin që në mënyrë ofenduese e konsideronte atë si tifoz të Juventusit është parë në ndeshjen gjysmëfinale të Kupës së Italisë ndërmjet Fiorentinas dhe Bianconerëve.

Sulmet ruse ndaj Ukrainës kanë ngjallur reagime të shumta në botën e futbollit duke bërë që FIFA dhe UEFA di suspendojnë klubet dhe ekipet ruse nga garat e tyre, duke përfshirë edhe Kampionatin e sivjetmë Botëror, në Katar.

Njëherësh, finalja e Ligës së Kampionëve që ishte caktuar të mbahej në St Petersburg është zhvendosur në Paris.

Në tribunat e Stadio Artemio Franchi në ndeshjen e të mërkurës ndërmjet Violas dhe Juves ishte shfaqur një shenjë me mbishkrimin “Putin gobbo”.

Lexo po ashtu Juventusi fiton në kohën shtesë ndaj Fiorentinës, hap të madh drejt finales

Fjala ‘gobbo’ është fjalë ofenduese që përdoret nga disa tifozë të Fiorentinas për t’i përshkruar tifozët e Zonjës së Vjetër dhe në këtë rast i janë referuar presidentit rus si një tifoz i bardhezinjve, gjë që ka nxitur reagime të shumta nga mbështetësit e Juventusit.

Tifozët e Juventusit kanë shpërthyer ndaj krahasimit që iu është bërë me veprimet e Putinit në Ukrainë. /Telegrafi/