Ish-sulmuesi i Schalkes, Raul ka refuzuar një ofertë për t’u bërë trajner i ekipit gjerman, kanë raportuar mediat spanjolle.
Thomas Reis u shkarkua nga posti i tij si trajner i Schalkes javën e kaluar me “Gelsenkirchen” që momentalisht e gjejnë veten në pozitën e 16-të në Bundesliga 2.
Schalke ktheu vëmendjen tek ish-ylli i tyre Raul për t’i ofruar këtë pozitë, por siç raporton mediumi spanjoll “Sport”, legjenda spanjolle e ka hedhur poshtë këtë ofertë.
Raúl has rejected an approach from Schalke over their vacant manager role – the retired striker believes it is not the right time for him to take charge of his former club. (Sport Bild) https://t.co/1DzahhcHPD
— Get German Football News (@GGFN_) October 2, 2023
Raul nënshkroi për Schalken si lojtar i lirë nga Real Madridi në vitin 2010 ku me fanellën e klubit gjerman pati 97 paraqitje duke shënuar 40 gola.
Ai i ndihmoi Schalkes që të kualifikohet në gjysmëfinale të Ligës së Kampionëve në sezonin e tij të parë në Bundesliga dhe në çerekfinale të Ligës së Evropës vitin pasues.
Raul është momentalisht në krye të Real Madrid Castillas dhe besohet se ai preferon që të qëndrojëaty dhe jo të lëviz në Gjermani.
Raul i cili ka fituar gjashtë tituj të La Ligas dhe tre tituj të Ligës së Kampionëve si lojtar i Real Madridit, mori frenat e Castillas në vitin 2020. Ai ka udhëhequr këtë ekip në 138 ndeshje zyrtare duke fituar 59 prej tyre.
46-vjeçari gjithashtu i udhëhoqi ata drejt fitimit të “UEFA Youth League” në vitin 2020.
Schalke tani do të vlerësojë opsione tjera për stolin e ekipit gjersa synojnë që t’i shpëtojnë rënies nga kategoria e dytë e futbollit gjerman./Telegrafi/