Barcelona është përfshirë në garën për shërbimet e anësorit të Leeds United, Raphinha.
Klube të shumta kanë shprehur interesim për shërbimet e 25-vjeçarit duke i përfshirë edhe klubet kryesore të Ligës Premier, si Liverpooli e Chelsea (që ka shprehur interesim, por tash është në pritje të vendimit për të ardhmen e klubit).
Eksperti i transferimeve, Fabrizio Romano, njofton se tashmë në garë janë përfshirë edhe Blaugranët, të cilët kanë biseduar me agjentin e tij, Deco (ish-lojtar i Barcës).
Nuk ka pasur kontakte ndërmjet klubeve, pasi Leeds është në pritje të mësojë nëse do të sigurojë mbijetesën.
Njëherësh, klubet e interesuara duhet të aktivizojnë klauzolën për prishjen e kontratës së Raphinhas në rast se Leeds refuzon ta lejojë largimin e tij me kushte tjera. /Telegrafi/
Barcelona are interested in Raphinha alongside Premier League clubs, including Liverpool [Chelsea wanted him, now in stand-by]. Barça already discussed about Raphinha with Deco. 🇧🇷 #FCB
No talks yet with Leeds – as price depends on their PL future and potential buy out clauses. https://t.co/iof4IPzMdB
— Fabrizio Romano (@FabrizioRomano) March 14, 2022