Agjenti i Paul Pogbas, Mino Raiola, i ka nxitur akoma më shumë spekulimet se mesfushori mund të largohet nga Manchester Unitedi.
Francezi është duke hyrë në gjashtëmujorin e fundit të kontratës së tij me Djajtë e Kuq, të cilët nuk po arrijnë ta bindin për vazhdimin e saj.
Raiola, i cili nuk ka hezituar të flasë për të ardhmen e Pogbas, është kujdesur edhe një herë që të shtohen thashethemet para afatit kalimtar të janarit.
“Dhjetori është muaji i ëndrrave…, ndërsa unë nuk mund t’i ndal ëndrrat, mirëpo është më mirë që të mos flas për Pogban”.
“Nëse ndonjë ish-lojtar i Man Utd nuk do të fliste për mua dhe Paul, atëherë do të ishin të papunë”.
“është akoma herët që të flas për kontratën e Paul Pogbas. Të shohim se çfarë do të ndodhë. Nuk mund t’ia ndal askujt ëndërrimin”, ka thënë Raiola për Rai.
Kthimi te Juventusi apo kalimi te Real Madridi ose Manchester Unitedi – janë opsionet për të ardhmen e francezit. /Telegrafi/