Legjenda e Barcelonës, Carles Puyol është një tifoz i madh i mbrojtësit të Liverpool, Virgil van Dijk .
Puyol është i lumtur që e sheh një qendërmbrojtës të nominuar për Topin e Artë.
Sipas legjendës së Barcelonës nominimi i Van Dijkut për Topin e Artë është diçka e merituar.
“Van Dijk është një nga më të mirët në botë”, ka thënë fillimisht Puyol.
“Ai është një mbrojtës i kompletuar, gjithmonë i qetë, një lojtar i shkëlqyeshëm”.
“Qendra e vëmendjes zakonisht shkon te sulmuesit, kështu që është kënaqësi të shohësh një mbrojtës që merr çmime”, përfundoi spanjolli. /Telegrafi/