Presidenti amerikan Donald Trump dhe homologu francez Emmanuel Macron po zhvillojnë bisedime në Shtëpinë e Bardhë.
Trump u tha gazetarëve se lufta “mund të përfundojë brenda javësh” dhe gjithashtu pretendoi se Vladimir Putin do të lejonte paqeruajtësit evropianë të vendoseshin në Ukrainë ,si pjesë e një marrëveshjeje të mundshme paqeje, transmeton Telegrafi.
Përveç përmendjes se ai mund të takohet me Volodymyr Zelensky “këtë javë ose javën e ardhshme”, Trump gjithashtu ka konfirmuar se do të takohet me Vladimir Putin “në një moment”.
Kur u pyet nëse Ukraina duhet të heqë dorë nga territori si pjesë e një marrëveshjeje për t’i dhënë fund luftës, Trump tha “do të shohim”.
Macron tha se fuqia e ri-angazhimit të SHBA “është një burim pasigurie për Putinin”, dhe shtoi se Franca është “e gatshme të ofrojë garanci sigurie për Ukrainën”.
Në lidhje me perspektivën e përdorimit të trupave evropiane si paqeruajtës, Macron shtoi se trupat “nuk do të ishin në vijën e frontit, por do të shënonin një prani në Ukrainë si garanci”. /Telegrafi/